Conseil départemental de la Dordogne

GO
A A A

CORONAVIRUS : Retrouvez toutes les publications départementales concernant le COVID-19

Vous êtes ici : Servir les citoyens  |  Culture & sport  |  Périgord occitan  |  Lenga e territòri  |  Dançar per estre
page précédente

Dançar per estre

page suivante

La seconda edicion de Paratge se tendra a Bordelha dau 12 14 de junh. La tematica d’aquesta annada sira la de la dança, en notadament la creacion dau collectiu a.a.O. En st[oc]k. L’ocasion de far lo punt sus l’importança e lo ròtle de la dança dins une societat.

L’importança e lo ròtle de la dança dins une societat.

 

De’n pertot sus la planeta los pòples dançan. E sem sovent admiratius fàcia ad aquelas expressions tribalas o ritualas vengudas de’n autre luec, davant quilhs còrs qui de consent festejan la vita, la mòrt, o mai simplament que prenen un plaser partatjat per tota la comunautat. Mai pròpche de n’autres, l’alhors pren daus uns còps la forma d’un festnòz o d’una sardana, e miralhan emb un espiada boirada d’un bric de gelosia ’queu bocin de nòstra arma culturala que sabem per una bela part perduda.


Intuitivament sabem que la dança, coma lo chant e la dança, es l’expression primièra d’un pòple, çò que a de mai personau e tot parier de mai populari. Mas benleu mai que las doas autras praticas culturalas a lasqualas es ligada, la dança es sens se trompar la maniera la mai directa e la mai simpla per partejar l’identitat d’un país. Pasmens, longtemps pareisset suspecta, comparada ad una reaccion o ad una regression. Puei devenguet un espectacle conservatòri o un gadge d’estudi etnografic. Mas perdet sa rason primiera, unir un pòple dins una catarsis collectiua sauvadoira e revicolairitz.
Per’mor la dança es daus ligams los mai fòrts que maridan las generacions e la gent quau que siá lor linhada. Passa los ans, los sègles, ofrant a chadun un ligam comun, una cultura comuna, un luec de  partatge unenc onte l’identitat serv a integrar pusleu qu’a discriminar


Chausa estonanta, auei la dança populària sembla èsser lo motor d’una energia novela. En Perigòrd, los terrenaus e los gavaches se boiran per tornar jugar lo bal tradicionau. E n’es pas rale que la votz se vénia ajudar los còrs. Per’mor chada dança se chanta. E brin a brin, quo es coma se la lenga occitàna preniá vita jos nos uelhs detràs los pas  e los movaments daus dançaires. Lo bal chantat era un acte culturau tancat dins l’identitat occitàna la mai deslivrada d’artificis. Sembla èstre au sègle XXI coma un daus gadges de transmission daus mai segurs.

 

 

Delegacion a la lenga e a la cultura occitanas - Direccion de l’Educacion e de la cultura Bureus situats : Espace Culturel François Mitterrand - 2 place Hoche
24000 Périgueux
Tél.  05.53.02.01.48 nous écrire
Delegacion a la lenga e a la cultura occitanas - Direccion de l’Educacion e de la cultura Corrier a adressar : 2 rue Paul-Louis Courier - CS 11200
24019 Perigueux Cedex
nous écrire
Ces pages vous intéressent peut être :

© 2011 Conseil départemental de la Dordogne.
Tous droits réservés.