Conseil départemental de la Dordogne

GO
A A A
Vous êtes ici : Servir les citoyens  |  Culture & sport  |  Périgord occitan  |  Lenga e territòri  |  Paratge

Paratge es lo nom donat a l’esveniment bienau organizat a Bordelha per lo Conselh generau en partenariat coma lo Conselh regionau d’Aquitania, la SEMITOUR, la Comuna de Bordelha mai l’associacion Pampaligòssa.
La mesa en òbra de queu esveniment, que se desbanara dau 12 au 16 de junh 2014, es facha per <a href="http://www.culturedordogne.fr/" target="_blank">l’Agença culturala despartamentala Dordonha-Perigòrd</a>.

Logo Paratge

Set de Paratge

 

 

L’edat-mejan occitan sauguet crear mercé a la fin’amor una vertadiera filòsofia de la vita que trobet son expression la mai ’chabada dins lo Paratge. Aimar en tota franchisa es font de joenessa viva. E tota persona que ne’n fai l’esfòrç, pòt tendre devers ’quela aristocracia de l’esperit, quau que siá son raçatge, son sexe o bentot son origina. Aquesta filòsofia novela se trufa dau maridatge coma daus còdis de la gleisa. Entau boissa una societat despassada e pausa las fondacions d’un futur noveu e diferent de çò qu’era perpausat jurc’alai per los reires.


Sens zo saupre, la jovença occitana jeta aqui los fondaments d’un rapòrt universau noveu mentre los èssers umans. Per lo prumier còp dins son istòria, la femna ven l’egau de l’òme, lo pelhaud pòt mercé a sa valor tunar lo nòble, lo maure pòt jugar coma lo crestian. Perque lo Paratge deu ren a la lei. Ven màs de la volontat que chadun deu aver dins la societat de se melhorar personalament chasque jorn dins son rapòrts a sos conciutadans perfin de trobar la drechura d’esperit e la capacitat a respectar de tots temps los que l’environan. E qu’es l’ensemble daus ciutadan, tendus devers aqueste absolut de vita, que forma entau una societat armoniosa onte s’agís pas mai de rapòrt de forças per regir la ciutat mas pusleu de capacitat a viure en conviviença.


Dins aquela debuta de segle treblat, que daus uns disen en perta de marcas, ’questa brava enauçada de civilisacion, ’queu messatge d’optimisme e de jovença d’una societat novela, egalitaria e respectuosa  edictat per los trobadors, i a mai de uech segles, interoja nos actes coma nòstra capacitat a tornar inventar lo futur. Perque, coma çò disset Felis Castan, lo politic se pòt pas solet balhar una dralha a la ciutadanitat sens un esfòrç personau e uman dau citiudan, « sens aquesta ciutadanitat dau còr, sens aqueste absolut que disen Paratge. »

 

Delegacion a la lenga e a la cultura occitanas - Direccion de l’Educacion e de la cultura Bureus situats : Espace Culturel François Mitterrand - 2 place Hoche
24000 Périgueux
Tél.  05.53.02.01.48 nous écrire
Delegacion a la lenga e a la cultura occitanas - Direccion de l’Educacion e de la cultura Corrier a adressar : 2 rue Paul-Louis Courier - CS 11200
24019 Perigueux Cedex
nous écrire
Ces pages vous intéressent peut être :

© 2011 Conseil départemental de la Dordogne.
Tous droits réservés.